- २२ भाद्र २०८३, सोमबार / Sep 7, 2026
काठमाडौँ । विद्युतीय चुरोट (भेप)मा सुन लुकाएर गरिएको तस्करी प्रकरणमा पूर्वउपराष्ट्रपति तथा माओवादी केन्द्रका उपाध्यक्ष नन्दबहादुर पुन (पासाङ) र उनका छोराहरूको संलग्नतामाथि प्रहरीले अनुसन्धान अघि बढाएको छ।
यसअघि सोही प्रकरणमा माओवादी केन्द्रकै उपाध्यक्ष तथा पूर्वसभामुख कृष्णबहादुर महरा पक्राउ परिसकेका थिए।पुनका जेठा छोरा जितेन्द्र पुनले चिनियाँ गिरोहसँग मिलेर ताक्लाकोट क्षेत्रमा चार किलो सुन बुझेको समाचार सार्वजनिक भएको थियो। त्यस्तै उनका कान्छा छोरा दीपेश पुन ९ र ६१ किलो सुन तस्करी प्रकरणमा मुछिएका छन्।
दीपेश सहकारी ठगी र भुटानी शरणार्थी प्रकरणमा समेत अभियुक्त छन् भने हाल फरार छन्। पूर्वउपराष्ट्रपति पुनको सचिवालयमा कार्यरत जीवनकुमार गुरुङ र आफन्त अमला रोका पनि सो प्रकरणमा संलग्न भएको शंकामा प्रहरी अनुसन्धानको दायरामा परेका छन्।
