- १ आश्विन २०८३, बिहीबार / Sep 17, 2026
काठमाडौं । प्रतिपक्ष दल राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानबहादुर (ज्ञानेन्द्र) शाहीले ७२ घण्टामा निर्मला पन्तको हत्यारा पत्ता लगाउँछु भनेर भोट मागेको होइन? भन्दै गृहमन्त्री रवि लामिछानेलाई प्रश्न गरेका छन् ।
आइतबार प्रतिनिधिसभा बैठकको विशेष समयमा उनले १२४ दिन सरकारमा हुँदा हत्यारा किन पत्ता नलगाएको भन्दै थप प्रश्न गरे । जीबी राईलाई पक्राउ गरेर ल्याए गृहमन्त्री लामिछानेलाई सदनमा फूलमाला लगाएर स्वागत गर्ने उनले बताएका छन् ।
उनले गृहमन्त्री रवि लामिछाने प्रधानमन्त्री पुष्पकमल दाहाल ‘प्रचण्ड’ पथको पछाडि लागिपरेको टिप्पणी गरे । उनले फाइल खोल्नुस् न भन्दै जनतालाई कहिलेसम्म भ्रमित पार्ने भनी प्रश्न गरे । उनले क्यान्टोनमेन्ट घोटालामा कसको संलग्नता छ, रोस्ट्रममा उभिएर जवाफ दिन गृहमन्त्रीलाई अनुरोध गर्दै भने, “पुरानाले देशलाई ३३ वर्षदेखि लुटे, यिनीहरूका विरुद्ध सडक र संसद्बाट खडा हुनुपर्छ भनेर जनताले जनमत दिएको हो ।”
