अर्को सूचना नभएसम्म थप बन्धकहरूलाई मुक्त नगर्ने हमासको निर्णय, इजरायलको हमासलाई चेतावनी

एजेन्सी । सम्पुर्ण बन्धकहरु शनिबारसम्म रिहा गर्न इजरायलले हमासलाई समय सीमा दिएको छ । शनिबार दिउँसोसम्म सम्पुर्ण बन्धक फिर्ता नगरे गाजामा युद्धविराम समाप्त गर्ने र युद्धलाई तीव्रता दिने इजरायली प्रधानमन्त्री बेन्जामिन नेतान्याहुले चेतावनी दिएका हुन ।

हमासले इजरायललाई तीन हप्ता पुरानो युद्धविराम सम्झौताको उल्लंघन गरेको आरोप लगाउँदै बन्धक रिहा नगर्ने घोषणा गरेपछि इजरायलले समयसीमा दिएको हो । यता इजरायल र हमासको द्वन्द्वले भने बन्धकका परिवार र इजरायलको कारागारमा रहेका प्यालेस्टिनी बन्दीका परिवारजन थप चिन्तित बनेका छन् ।

प्रधानमन्त्री नेतान्याहूले इजरायली सेनालाई गाजाभित्र र वरपर तैनाथ हुन आदेश दिइसकेका छन् । हमासले अर्को सूचना नभएसम्म थप बन्धकहरूलाई मुक्त गर्ने निर्णय स्थगित गरेको घोषणा गरेपछि इजरायलले यो कदम चालेको हो । नेतान्याहूले बाँकी रहेका सबै ७६ बन्धकहरूको रिहाइको माग गरेका छन् ।