- २९ श्रावण २०८३, शुक्रबार / Aug 14, 2026
चाडपर्वमा मनलाग्दी भाडा लिएको गुनासोपछि प्राधिकरणले अधिकतम हवाई भाडा तोक्यो ।
तोकिएको भन्दा बढी रकम लिने एअरलाइन्सलाई कारबाही हुने चेतावनी ।
सबैभन्दा बढी भाडा काठमाडौं–धनगढी (रु. १७,५७९), सबैभन्दा कम भाडा काठमाडौं–सिमरा (रु. ३,९७८) ।
काठमाडौं–नेपालगञ्ज, विराटनगर, भद्रपुर, सुर्खेत र पोखरासहितका रुटको अधिकतम भाडा सूची सार्वजनिक ।
काठमाडौँ, १७ असाेज । नेपाल नागरिक उड्डयन प्राधिकरणले आन्तरिक उडानको हवाई भाडादर सार्वजनिक गरेको छ । चाडपर्वको बेला एअरलाइन्स कम्पनीहरूले जथाभावी भाडा लिएको गुनासो आइरहेका बेला प्राधिकरणले विभिन्न रुटको अधिकतम भाडादर तोकेको हो ।
नेपाल सरकारबाट स्वीकृत तोकिएको अधिकतम भाडाभन्दा बढी रकम नलिन वायु सेवा कम्पनीलाई निर्देशन दिइएको छ । तोकिएको भन्दा बढी भाडा लिएमा कारबाही हुने चेतावनी प्राधिकरणले दिएको छ ।
सार्वजनिक भाडासूचीअनुसार सबैभन्दा बढी भाडा काठमाडौं–धनगढी रुटमा रु. १७,५७९ र सबैभन्दा कम भाडा काठमाडौं–सिमरा रुटमा रु. ३,९७८ तोकिएको छ ।
त्यस्तै काठमाडौं–नेपालगञ्जको भाडा रु. १३,१०३, काठमाडौं–भद्रपुर रु. १२,११२, काठमाडौं–विराटनगर रु. ९,७८५, काठमाडौं–सुर्खेत रु. ९,०३० र काठमाडौं–पोखरा रु. ६,६३५ तोकिएको छ ।
