स्वास्थ्य बीमा ५ लाख पुर्याउने तयारी

भक्तपुर। बागमती प्रदेशका स्वास्थ्य मन्त्री किरण थापाले स्वास्थ्य बीमाको दायरा बढाउने तयारी गरेको बताएका छन् । दायरा बढाएर ५ लाख पुर्याउने जानकारी दिए ।

भक्तपुरमा आयोजना गरिएको निःशुल्क स्वास्थ्य शिविर कार्यक्रमलाई सम्बोधन गर्दै मन्त्री थापाले नागरिकलाई स्वास्थ्य सेवामा सहज र गुणस्तरीय पहुँच बनाउन उक्त कदम अघि बढाइएको बताए । स्वास्थ्य क्षेत्रमा देखिएका समस्याहरु पहिचान गरिरहेको उल्लेख गर्दै मन्त्री थापाले समस्या समाधानमा केन्द्रीत भएर लागिपरेको बताए ।

स्वास्थ्य क्षेत्रमा के के समस्या, विकृति तथा विसंगतीहरु रहेको छन् ? भन्ने कुराको विस्तृतमा अध्ययन गरिरहेको धारणा राखे । सरकारले आवश्यक जनशक्ति उपलब्ध गराउन नसकेको उल्लेख गर्दै मन्त्री थापाले कतिपय अस्पतालमा मेडिकल समाग्रीसमेत भरपर्दो रुपमा उपलब्ध गराउन नसकेको बताए ।