- २७ बैशाख २०८३, आईतवार / May 10, 2026
ओखलढुंगा । मनाङ एयरको ९ एन (एएनजे कलसाइन भएको हेलिकप्टर दुर्घटना भएको छ । ओखलढुंगाको रुम्जाटारबाट लोबुचे उडेको हेलिकप्टर दुर्घटना भएको हो ।हाइ अल्टिच्युडमा रहेका यात्रु ल्याउन आज बिहान ७ः१३ मिनेट उडेको हेलिकप्टर दुर्घटना भएको मनाङ एयरका निर्देशक राजु न्यौपानेले बताए ।
हेलिकप्टरमा पाइलटमात्रै थिए । पाइटल पिके सेढाइ सुरक्षित रहेको निर्देशक न्यौपानेको भनाइ छ । पाइलट सेढाइलाई फिस्टेलको हेलिकप्टरले लुक्ला ल्याएको छ भने उनलाई अहिले ह्याम्स हस्पिटल ल्याइँदै गरेको नागरिक उड्डयन प्राधिकरणका सूचना अधिकारी ज्ञानेन्द्र भुलले बताए ।
सूचना अधिकारी भुलले भने, ‘अवतरणका क्रममा दुर्घटनामा परेको देखिन्छ, कारण खुलेको छैन, हाम्रो टोली घटस्थ्लमा पुग्दैछ, यात्रु कोइ नभएको कारणले मानवीय क्षति भएको छैन ।’
