- ३० श्रावण २०८३, शनिबार / Aug 15, 2026
काठमाण्डौ । मकवानपुरको हेटौँडा–काठमाडौँ जोड्ने हेटौँडा–कुलेखानी–सिस्नेरी–दक्षिणकाली सडक खण्ड पहिरोका कारण अवरुद्ध भएको छ।
इन्द्रसरोवर गाउँपालिका–३, ज्यामिरे क्षेत्रमा पहिरो खस्दा हिजो बेलुकादेखि नै सडक बन्द भएको जिल्ला प्रहरी कार्यालय मकवानपुरका प्रवक्ता तथा प्रहरी नायब उपरीक्षक पुष्कर बोगटीले जानकारी दिएका छन्।
उनका अनुसार सडक अवरुद्ध भएपछि काठमाडौँ र हेटौँडा आवतजावत गर्ने सवारी साधन बीच बाटोमै रोकिएका छन्। पहिरो पन्छाउने तयारी भइरहे पनि अहिलेसम्म काम सुरु नभएको बताइएको छ। सडक खुल्न केही समय लाग्ने भएकाले वैकल्पिक बाटो प्रयोग गर्न प्रहरीले आग्रह गरेको छ।
