- ३१ आश्विन २०८३, शनिबार / Oct 17, 2026
काठमाण्डौ । नागढुङ्गा–सिस्नेखोला सुरुङमार्ग सञ्चालन तथा मर्मतका लागि सेवा प्रदायक कम्पनी छनोट गर्न अन्तर्राष्ट्रिय बोलपत्र (टेन्डर) आह्वान गरिएको छ।
नागढुङ्गा सुरुङ निर्माण आयोजनाले आज एक सूचना प्रकाशित गर्दै अन्तर्राष्ट्रिय प्रतिस्पर्धाबाट अनुभवी र सक्षम सेवा प्रदायक छनोट गर्नका लागि बोलपत्र आह्वान गरेको हो।
बोलपत्र बुझाउने अन्तिम मिति पुस २ गते (डिसेम्बर १७) तोकिएको छ। आयोजनाका अनुसार सुरुङमार्ग निर्माण सकिए पनि दक्ष जनशक्ति र सुरक्षाको व्यवस्थापन नहुँदा अझै सञ्चालनमा आउन सकेको छैन। यसअघि सरकारले सुरुङमार्ग प्रयोग गर्ने सवारी साधनका लागि दस्तुर दर तय गरिसकेको छ।
कार तथा भ्यान: काठमाण्डौ प्रवेश गर्दा ६५ रुपैयाँ, बाहिरिँदा ६० रुपैयाँ। मिनिबस तथा मिनिट्रक: प्रवेश गर्दा ११५ रुपैयाँ, बाहिरिँदा ८० रुपैयाँ। बस तथा ट्रक: प्रवेश गर्दा २६० रुपैयाँ, बाहिरिँदा २०० रुपैयाँ।
ठूला उपकरण बोकेका गाडी: प्रवेश गर्दा ६०० रुपैयाँ, बाहिरिँदा २५० रुपैयाँ। सुरुङमार्ग सञ्चालनमा आएपछि काठमाण्डौ–धादिङ खण्डको यातायात सहज हुने अपेक्षा गरिएको छ।
