चिसो अत्याधिक बढ्यो, सुदूर, कर्णाली, लुम्बिनी र गण्डकी प्रदेशमा अधिक न्यूनचापीय प्रणालीको प्रभाव

काठमाडौं। पश्चिम नेपालबाट मौसममा बदली सुरु भएसंगै चिसो अत्याधिक बढ्को छ । सोमबार साँझदेखि बदली भएकोमा विस्तारै मुलुकभरि फैलिने जल तथा मौसम विज्ञान विभाग, मौसम पूर्वानुमान महाशाखाले जनाएको छ । आज राति कणाली प्रदेशमा फैलिने र विस्तारै गण्डकी र लुम्बिनीसम्म आउने महाशाखाका मौसमविद् रोजन लामिछानेले बताए ।

आज दिउँसोसम्म बदली कायम रहने र बुधबारदेखि केही कमजोर हुँदै जाने लामिछानेले बताए । उच्च पहाडी र हिमाली क्षेत्रमा हिमपात हुने र अन्य केही क्षेत्रमा हल्ला वर्षा हुनसक्ने सम्भावना रहेको उनको भनाइ छ । महाशाखाले सार्वजनिक गरेको विवरणमा आगामी २४ घण्टामा बागमती प्रदेश र मधेस प्रदेशको थोरै स्थान तथा कोशी प्रदेशको एक–दुई स्थानमा हल्का वर्षाको सम्भावना रहेको छ ।

मौसममा बदली भएसँगै नेपालमा पुनःचिसो बढ्न सुरु भएको छ । चिसो अत्यधिक बढेर जाने महाशाखाका मौसमविद् लामिछानेले बताए । विभागको अभिलेखमा हाल काठमाडौँको न्यूनतम तापक्रम चार दशमलव तीन डिग्री रहेको छ । यसअघि पुस ४ गते काठमाडौँको तापक्रम चार दशमलव आठ डिग्री थियो ।