आईसीसीले नेपाली टिमको सूचीमा राख्यो सन्दीपको नाम

काठमाडौं । आईसीसीले अमेरिका र वेस्ट इन्डिजमा जारी आईसीसी पुरुष टीट्वान्टी क्रिकेट विश्वकपका लागि नेपाली टिममा पूर्व कप्तान सन्दीप लामिछानेको नाम राखेको छ । आईसीसीले मंगलबार सन्दीपको नाम राखेको हो ।

आईसीसीको वेबसाइटमा समेटिएको नामावली अनुसार टिममा सन्दीपसँगै कप्तान रोहित पौडेल, कुशल भुर्तेल, सन्दीप जोरा, दिपेन्द्र सिंह ऐरी, गुल्सन झा, कुशल मल्ल, आशिफ शेख, अनिल साह, अविनाश बोहरा, कमल सिंह ऐरी, करण केसी, ललित राजवंशी, प्रतिश जिसी, सागर ढकाल र सोमपाल कामी रहेका छन् ।

अमेरिकाले भिषा नदिएका कारण सन्दीपले अमेरिकाको दुवै खेल गुमाउने पुगेका हुन् । तर उनी वेस्ट इन्डिजमा हुने दुवै खेलमा सहभागी हुन पाउने भएका छन् । उनी वेस्ट इन्डिज पुगिसकेका छन् ।