- १६ जेष्ठ २०८३, शनिबार / May 30, 2026
काठमाडौं । कर्णाली नदीमाथिको झोलुंगे पुल चुडिएसँगै यतिखेर आवतजावतमा बन्द गरिएको छ। अछाम जिल्लाको पञ्चदेवल विनायक नगरपालिका९ र दैलेखको आठबिस नगरपालिका ४ जोड्ने झोलुंगेपुल नभएपछि स्थानीयहरूको दैनिकी चलाउनै सकस परेको छ भने विद्यार्थीहरू पढ्नबाट बञ्चित भएका छन्।
त्यसैले तत्काल पक्की पुल बनाउन स्थानीयबासीहरूले सरकारसँग माग गरेका छन्। चण्डिका माविका शिक्षक कमल बहादुर शाहीले डेढ सय विद्यार्थीहरू पुल नहुँदा पढ्नबाट बञ्चित भएको जानकारी दिएका छन्। स्थानीय जानकी जैशीले पनि अहिले पुल नहुँदा अछामका विद्यार्थीहरू दैलेख र दैलेखका विद्यार्थीहरू अछाममा भएको विद्यालयमा पढ्न जान नसकेको जानकारी दिइन्।
आइतबार बिहान ९ बजे कर्णाली नदीमाथिको झोलुंगे पुल हुँदै खच्चडहरू पार गर्दै गर्दा लठ्ठा चुँडिएर १३ वटा खच्चड पुलमै अड्किएका थिए । जसमध्ये ११ वटा उद्धार र दुई वटाको मृत्यु भएको थियो।
