आइसिसी टी-२०को दोस्रो अभ्यास खेलमा नेपाल विजयी

काठमाडौं । आइसिसी टी-२० विश्वकप क्रिकेट खेल्न अमेरिकामा रहेको नेपाली टोली दोस्रो अभ्यास खेलमा पनि विजयी भएको छ। आज बिहान ह्युस्टन हुरिकेनविरूद्धको दोस्रो अभ्यास खेलमा नेपाल २७ रनले विजयी भएको हो।

नेपालले भोलिदेखि औपचारिक अभ्यास खेल खेल्नेछ। भोलि क्यानडा र जेठ १७ मा अमेरिकासँग खेल्नेछ। टी-२० विश्वकप २०२४ मा नेपाल समूह ‘डी’ मा छ। समूहमा नेपालले दक्षिण अफ्रिका, श्रीलंका, बंगलादेश र नेदरल्यान्ड्ससँग प्रतिस्पर्धा गर्नेछ।

नेपाली टोलीमा कप्तान रोहितसहित आसिफ शेख, अनिलकुमार साह, कुशल भुर्तेल र सन्दीप जोरा प्रमुख ब्याटरको रूपमा छन्। दीपेन्द्रसिंह ऐरी, कुशल मल्ल र गुल्सन झा अलराउन्डर छन्। सोमपाल कामी, करण केसी, प्रतिश जिसी र कमलसिंह ऐरी तीव्र गतिको युनिटमा छन्। करण र सोमपाललाई बलिङ अलराउन्डरको रूपमा पनि टोलीले लिएको छ। स्पिनरका रूपमा सागर ढकाल र ललित राजवंशी छन्।