- ३० भाद्र २०८३, मंगलवार / Sep 15, 2026
काठमाडौं । इम्बोस्ड नम्बर प्लेट रिड गर्ने ५ थान रेडियो फ्रिक्वेन्सी आइडेन्टिफिकेसन मेसिन आरएफआईडी प्रहरीलाई हस्तान्तरण गरिएको छ ।
भौतिक पूर्वाधार तथा यातायात मन्त्री प्रकाश ज्वालाले एक कार्यक्रमका बिच इम्बोस्ड नम्बर प्लेटमा भएको विवरण रिड गर्ने मेसिन हस्तान्तरण गरेका हुन् । सो मेसिन नेपाल प्रहरी मुख्यालय अन्तरगत कार्यविभाजनका डीआईजी भरत बोहोरालाई हस्तान्तरण गरिएपछि प्रहरीले अब रेडियो फ्रिक्वेन्सीबाट इम्बोस्ड नम्बर रिड गर्ने भएको छ ।
हाललाई ५ थान हस्तान्तरण गरिएको यो मेसिन छिटै १०० थान हस्तान्तरण हुने यातायात व्यवस्था विभागले जनाएको छ । हाल सवारी साधनमा इम्बोस्ड नम्बर प्लेट जडान गर्ने व्यवस्था भए पनि यसमा उपलब्ध डेटा रिड गर्ने कुनै पनि प्रणालीको व्यवस्था थिएन ।
सवारी साधनमा इम्बोर्डस प्लेट जडान गरेसँगै सवारी साधनको सुरक्षा तथा अन्य हिसाबले समेत यो प्रणाली महत्त्वपूर्ण हुने छ । कार्यक्रममा डेमो गरेर मेसिन परीक्षणसमेत गरिएको प्रहरीले जनाएको छ ।
