भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

भारतीय एम्बुलेन्स प्रयोग गरी गाँजा तस्करी, १४८ किलोसहित दुई जना पक्राउ

भारतीय एम्बुलेन्स प्रयोग गरी गाँजा तस्करी, १४८ किलोसहित दुई जना पक्राउ

मुख्य बुँदा

भारतीय एम्बुलेन्समार्फत गाँजा तस्करी प्रयास

१४८ किलो गाँजा बरामद

दुई जना भारतीय नागरिक पक्राउ

लागूऔषध ऐनअन्तर्गत अनुसन्धान जारी

सुनसरी, २३ बैशाख । सुनसरीको बराहक्षेत्रमा भारतीय नम्बर प्लेटको एम्बुलेन्स प्रयोग गरी भइरहेको गाँजा तस्करी प्रहरीले असफल बनाएको छ।

जिल्ला प्रहरी कार्यालय सुनसरीका अनुसार बराहक्षेत्र नगरपालिका–२ पुल्ठेगौडाबाट ठूलो परिमाणको गाँजासहित दुई जना भारतीय नागरिक र तस्करीमा प्रयोग गरिएको एम्बुलेन्स नियन्त्रणमा लिइएको हो। उक्त कारबाही इलाका प्रहरी कार्यालय चतराबाट खटिएको गस्ती टोलीले गरेको हो।

मंगलबार साँझ करिब ५ बजे चतराबाट तेह्रआर्डीतर्फ आउँदै गरेको बीआर ०७ पीसी ४७६५ नम्बरको एम्बुलेन्स प्रहरी देख्नासाथ भाग्न खोजेपछि शंका लागेर नियन्त्रणमा लिइएको थियो।

पछि गरिएको खानतलासीमा एम्बुलेन्सभित्र प्लास्टिकका बोरामा लुकाइएका अवस्थामा १४८ किलोग्राम गाँजा फेला परेको प्रहरीले जनाएको छ। पक्राउ पर्नेमा भारतको बिहार राज्य सुपौल जिल्ला वीरपुरका १८ वर्षीय धर्मेन्द्र कुमार यादव र २१ वर्षीय मोहम्मद सदाम रहेका छन्।

उनीहरूलाई गाँजा र एम्बुलेन्ससहित इलाका प्रहरी कार्यालय महेन्द्रनगरमा राखेर अनुसन्धान भइरहेको छ। प्रहरी निरीक्षक प्रकाश पराजुलीका अनुसार उनीहरूमाथि लागूऔषध नियन्त्रण ऐनअनुसार थप अनुसन्धान अघि बढाइएको छ।

 


Thali Mobile Pvt.Ltd.