- २१ कार्तिक २०८३, शनिबार / Nov 7, 2026
काठमाडौं । हमासको आक्रमणमा परि इजरायलमा निधन भएका नेपाली नागरिकको सम्मानमा सरकारले भोलि राष्ट्रिय शोक मनाउने निर्णय गरेको छ । आजको मन्त्रीपरिषद विशेष बैठकले मृतकका परिवारलाई राहत स्वरुप प्रतिव्यक्ति तत्काल १०÷१० लाख रुपैयाँ दिने घोषणा गरेको छ ।
बैठकले मृत्यु भएका नेपाली नागरिकको शव यथाशक्य नेपाल ल्याउने तयारी गरेको छ । आतंकवादी आक्रमणमा परी १० जना नेपाली युवाहरुको निधन भएको छ । प्रधानमन्त्री तथा मन्त्रिपरिषद कार्यालयमा बसेको बैठकले गहिरो दुःख व्यक्त गर्दै दिवंगतप्रति हार्दिक श्रद्धाञ्जली अर्पण गरको छ ।
फसेका नेपालीहरुलाई यथाशक्य नेपाल ल्याउन नेपाल सरकार र इजरायल सरकारवीच कूटनीतिक पहल भइरहेको नेपाल सरकारका प्रवक्ता रेखा शर्माले बताइन् । त्यसका लागि नेपाल एयर लाइन्स र हिमालय एयर लाइन्सका जहाजहरु तयारी आवस्थामा राखिएको परराष्ट्रमन्त्री एनपी साउदले बताए ।
उद्धार गर्न सरकारको तर्फवाट कुनै कसर बाँकी नराखिएको उल्लेख गर्दै प्रधानमन्त्री प्रचण्ड र आफूले फसेका युवाहरुसँग प्रत्यक्ष कुरा गरी वस्तुस्थिति जानकारी लिएको मन्त्री साउदले बताए ।
