- २८ भाद्र २०८३, आईतवार / Sep 13, 2026
दाङ । लुम्बिनी प्रदेशका अर्थमन्त्री धनबहादुर मास्की सवार गाडी दुर्घटनामा परेको छ ।
तुलसीपुर उपमहानगरपालिकाको शितलपुरमा गाडी दुर्घटनामा परेको हो ।
कार्यक्रम सकेर अर्थमन्त्री मास्की मन्त्रालय फर्किँदै गरेको अवस्थामा दुर्घटनामा परेको स्वकीय सचिव शम्भु गौतमले बताए ।
एक्कासी बच्चा सडकमा आएपछि बचाउने क्रममा गाडी सडकबाट हुत्तिएर झाडीमा पुगेको उनको भनाइ छ ।
दुर्घटना हुँदा मन्त्रीलाई सामान्य चोटपटक लागेको गौमतले बताए । लु १ झ ७३८ नम्बरको गाडी दुर्घटनामा परेको हो ।
उक्त गाडीमा मन्त्री, स्वकीय सचिव, पिएसओ, भान्से र चालक गरी ५ जना सवार थिए ।
