- ३ आश्विन २०८३, शनिबार / Sep 19, 2026
काठमाडौँ । बाढी पूर्वानुमान महाशाखाले आकस्मिक बाढीको जोखिम रहेको जनाएको छ । देशका विभिन्न स्थानमा भारी वर्षाको सम्भावना रहेकोले आकस्मिक बाढीको जोखिम रहेको महाशाखाले जनाएको हो ।
मौसम पूर्वानुमान महाशाखाले मंगलबार बाग्मती, गण्डकी र सुदूरपश्चिम प्रदेशका एक–दुई स्थानमा भारी वर्षाको सम्भावना रहेकाले सजग रहन आग्रह गरेको छ ।
सिन्धुपाल्चोक, दोलखा, रसुवा, धादिङ, गोरखा, लमजुङ, बाजुरा, बझाङ, दार्चुला र आसपासका जिल्ला भई बहने अधिकांश स–साना नदीहरूमा बहाव बढ्ने तथा केही नदीमा आकस्मिक बाढीको जोखिम रहेको महाशाखाले जनाएको छ ।
यी जिल्ला भई बहने नदीको आसपासमा आवश्यक सतर्कता अपनाउन पनि बाढी पूर्वानुमान महाशाखाले अनुरोध गरेको छ ।
