- ३० आश्विन २०८३, शुक्रबार / Oct 16, 2026
काठमाडौं । जाजरकोटको बारेकोट केन्द्रबिन्दु भएर गएको भूकम्पले हाल सम्म १२८ बढीको मृत्यु भएको छ । रुकुम पश्चिममा एक सय ३६ जनाको मृत्यु भएको छ । दुवै जिल्लामा एक १५५ बढी घाइते भएका छन् । भूकम्पका कारण जाजरकोट मात्रै ९२ जनाको मृत्यु भएको छ । ७० जनाबढी घाइते भएका छन् । यता रुकुम पश्चिममा भूकम्पबाट ३६ जनाको मृत्यु भएको छ भने ८५ जना घाइते भएका छन् ।
उद्धारमा जाजरकोटस्थित आश्रिम गुल्मबाट सशस्त्र प्रहरी नायव उपरीक्षक विकाश थापाको नेतृत्वमा ६७ जनाको टोली खटिएको छ । रुकुम पश्चिमस्थित नं ४७ गुल्मबाट सशस्त्र प्रहरी निरीक्षक झक्कुप्रसाद शर्माको नेतृत्वमा २४ जना तथा नं ४७ गुल्मबाट सशस्त्र प्रहरी बरिष्ठ नायव निरीक्षक बलबहादुर थापाको नेतृत्वमा ११ जनाको टोली खटिएको छ ।
उद्धार तथा राहतमा जुट्न सबैलाई अपिल
यसैबीच राष्ट्रपति रामचन्द्र पौडेलले जाजरकोट भूकम्पमा भएको मानवीय र भौतिक क्षतिले आफू मर्माहत भएको बताउदै विपदको घडीमा उद्धार तथा राहतमा जुट्न सरकार र सम्बन्धित सबैलाई अपिल गरेका छन् । ६.४ म्याग्निच्युडको भूकम्पले ठूलो क्षेती पु¥याएपछि प्रधानमन्त्रीसहितको टोली जाजरकोट गएको छ ।
दैलेख, जुम्ला, कालिकोटमा पनि घर चर्किए
जाजरकोट केन्द्रबिन्दु बनाएर गएको भुकम्पको धक्काले दैलेख, जुम्ला, कालिकोट, सुर्खेतमा पनि घरहरु चर्किएका छन् । सुतेकै कोठाको पर्खाल भत्किएका छन् भने घरका केहिभाग चर्किएका छन् । भौतिक क्षति भएपनि यस क्षेत्रमा मानवीय क्षति नभएको गाउँपालिका /नगरपालिका मेयर/अध्यक्षले बताएका छन् ।
