- १६ जेष्ठ २०८३, शनिबार / May 30, 2026
हेटौँडा । बागमती प्रदेशका मुख्यमन्त्री शालिकराम जम्कट्टेल नेतृत्वको सरकार ढलेको छ । प्रदेशसभा बैठकमा राजीनामा घोषणा गरेसँगै माओवादी केन्द्रबाट १८ महिना सरकार सञ्चालन गरेका जम्कट्टेल सत्ताबाहिर पुगे ।
एमाले कांग्रेस सत्ता समीकरण बनेसँगै सङ्कटमा परेका मुख्यमन्त्री जम्कट्टेलले संसदबाट बहुमत जुटाउन नसक्ने भएपछि राजीनामा दिएर बाहिरिएका हुन् । एमाले, एकीकृत समाजवादी, माओवादी केन्द्र र हाम्रो नेपाली पार्टीको गठबन्धनबाट सरकारको नेतृत्व सम्हाल्दै आएका जम्कट्टेल असार २४ गतेबाट अल्पमतमा परेका थिए ।
मन्त्रालय भागबन्डाः कांग्रेस ७, एमाले ६ मन्त्री बन्दै
एमाले र कांग्रेसबीच मन्त्रालय भागबन्डा भएको छ । कुल १३ मन्त्रालयमध्ये नेपाली कांग्रेसको भागमा ७ र एमालेको भागमा ६ वटा मन्त्रालय पर्ने गरी भागबन्डा भएको हो ।
बागमती प्रदेशको मुख्यमन्त्रीमा नेपाली कांग्रेसका बहादुर सिंह लामाले आज ११ बजे दाबी पेस गर्ने भएका छन् ।बागमती प्रदेश प्रमुख यादवचन्द्र शर्माले मुख्यमन्त्री जम्मकट्टेलले दिएको राजीनामा स्वीकृत गर्दै नयाँ सरकार गठनका लागि दाबी पेस गर्न आज साँझ ५ बजेसम्म समय सीमा दिएका छन् ।
