- ९ आश्विन २०८३, शुक्रबार / Sep 25, 2026
काठमाडौं । एसीसी महिला एसिया कप क्रिकेटमा आज नेपाल र भारतको भिडन्त हुँदै छ। समूह चरणको अन्तिम खेलमा बलियो प्रतिद्वन्द्वी भारतसँग प्रतिस्पर्धा गर्न लागेको हो । यूएईमाथि ६ विकेटको जित निकाल्दै विजयी सुरुवात गरेको नेपाल दोस्रो खेलमा पाकिस्तानसँग ९ विकेटले पराजित हुन पुग्यो ।
समूह ‘ए’को भारत चार अंकसहित शीर्ष स्थानमा छ । नेपालमाथि अघिल्लो चरण प्रवेशका लागि भारतविरुद्ध जित निकाल्नैपर्ने दबाबमा रहेको छ। दुई खेल सकिँदा नेपाल र पाकिस्तान एक हार र एक जितसहित समान दुई अंकसहित रनरेटका आधारमा दोस्रो र तेस्रो स्थानमा छन् ।
यो समूहको यूएईले भने खाता खोल्न सकेको छैन । आजै अर्को खेलमा यूएईले पाकिस्तानको सामना गलर्दैछ ।
