तनहुँको भीमादमा जिप दुर्घटना १२ जना घाइते, ३ जनाको थप उपचारका लागि पोखरा रिफर

पोखरा । तनहुँको भीमादमा पोखराबाट पाल्पाको रामपुर जाँदै गरेको जिप दुर्घटना भएको छ । गाडीलाई साइड दिने क्रममा जिप भीमाद नगरपालिकाको मिर्छुलुङमा सडकबाट तल खसेको हो ।
जिपमा सवार चालक सहित १२ जनालाई उद्धार गरिएको छ ।

ग १ ज ७५३४ नम्बरको जिप घुम्ती सडकबाट करिब डेढ सय मिटर तल खसेको हो । घाइते भएका ३ जनाको थप उपचारका लागि पोखरा रिफर गरिएको छ । घाइतेको जीपी कोइराला श्वासप्रश्वास केन्द्रमा उपचार भइरहेको इलाका प्रहरी कार्यालय बेलचौताराले जनाएको छ ।