- १ आश्विन २०८३, बिहीबार / Sep 17, 2026
काठमाडौँ । चार वर्षदेखि प्रहरीलाई छक्क्याएर लुक्न सफल ‘तपस्वी’ रामबहादुर बम्जनलाई प्रहरीले पक्राउ गरेको छ । प्रहरीको केन्द्रीय अनुसन्धान ब्यूरोले ‘तपस्वी’ रामबहादुर बम्जनलाई मंगलबार पक्राउ गरेको हो ।
पक्राउपछि प्रहरीले बयान लिनेक्रममा उनले भारतस्थित सिक्कीमको जंगल, रामेछाप, मकवानपुर र सिन्धुलीको जंगलमा बसेको खुलाशा गरेका हुन । जिल्ला प्रहरी कार्यालय सर्लाहीले २०७६ माघ २४ मा बम्जनलाई पक्राउ गर्न ७७ वटै जिल्ला प्रहरी कार्यालयमा पत्राचार गरेको थियो ।
१५ दिनअघि काठमाडौँ आएका बम्जन पाँच दिनअघि परिवार भेट्न भनेर हात्तीगौँडा गएका थिए। जिल्ला अदालत सर्लाहीमा बम्जन विरुद्ध मुद्दा दर्ता भएको छ ।
बम्जन बिरुद्ध सर्लाही जिल्ला अदालतबाट वारेन्ट जारी भएको र उनलाई काठमाडौंबाट सर्लाहीमा पठाउने तयारी गरिएको केन्द्रीय अनुसन्धान ब्यूरोले जनाएको छ । मंगलबार बुढानीलकण्ठ स्थित हात्तीगौँडाबाट उनलाई पक्राउ गरेको प्रहरीले जनाएको छ ।
उनीविरुद्ध आश्रममा बस्दा त्यहाँ काम गर्ने विभिन्न युवतीलाई शोषण गरेको, बेपत्ता गराएको लगायतका आरोप रहेका छन्।
