- २९ आश्विन २०८३, बिहीबार / Oct 15, 2026
जुम्ला । जुम्लाका किसानहरू मार्सीधान रोप्न व्यस्त रहेका छन् । ८ वटै पालिकामा उत्पादन हुने मार्सीधानको रोपाइँमा किसान बिहानदेखि रातिसम्म खेतमै व्यस्त हुन थालेका तातोपानी गाउँपालिका–४ का स्थानीय प्रेमराज पाण्डेले जानकारी दिनुभयो ।
जेठको पहिलो हप्तादेखि असारको दोस्रो हप्तासम्म रोपाइँ हुने गरेको छ । मार्सीधानको चामलले बजार पाउन थालेपछि किसानले खेती बढाएका कृषि विकास कार्यालयका निमित्त कार्यालय प्रमुख रामभक्त अधिकारीले बताउनुभयो ।
सिञ्जा, चन्दननाथ क्षेत्र, तातोपानी, देपालगाउँ, गर्ज्याङकोट र विश्वकै उच्च स्थानमा धान फल्ने पातारासी गाउँपालिकाको छुमचौरमा काली तथा रातो मार्सीधानको रोपाइँ धमाधम भइरहेको छ ।
जुम्लामा २ हजार ८ सय ५० हेक्टरमा धानखेती हुन्छ । त्यसमध्ये १ हजार २ सय हेक्टरमा मार्सीधानको खेती हुने गरेको कार्यालयका प्रमुख अधिकारीको भनाइ छ । शुरूमा चन्दनाथ बाबाले भारतको काश्मीरबाट ल्याएर चन्दननाथ भैरवनाथ मन्दिरको शेरा खेतमा रोपाइँ गरेको इतिहास छ ।
हरेक वर्षको जेठ १४ गते शेरा खेतमा रोपाइँ हुने गरेको छ । पछिल्लो समय पालिकाहरूले मार्सीको विस्तार र संरक्षणका लागि विभिन्न कार्यक्रम अघि सारेका छन् । रासस
