- १८ असार २०८३, बिहीबार / Jul 2, 2026
काठमाडौं । कान्तिपुर मिडिया ग्रुपका अध्यक्ष कैलास सिरोहिया पक्राउ परेपछि प्रहरीले पक्राउ पर्नुका ६ आधार सार्वजनिक गरेको छ । दोहोरो नागरिकता प्रकरणमा अनुसन्धानका लागि उनलाई पक्राउ गरिएको प्रहरीले जनाएको छ ।
प्रतिपक्ष दल नेपाली कांग्रेस उनको बचाउमा उत्रिएको छ । कांग्रेस सभापति शेरबहादुर देउवा, महामन्त्री गगन थापासहित विपक्ष दलका नेताहरु गृहमन्त्रीविरुद्ध खनिएका छन् ।
नागरिकताको विवाद सिरोहियाको व्यक्तिगत विषय हो । तर सञ्चार जगतसँग यस क्षेत्रका केही हस्तीले प्रेस स्वतन्त्रताको दुहाई दिइरहेका छन् ।
पक्राउ गर्नुको ६ कारण र आधार
सिरोहियाले जिल्ला प्रशासन कार्यालय धनुषाबाट ३९६९८८८६ नम्बरको नेपाली नागरिकता प्रमाण पत्र लिएको तर निजले नागरिकता लिनु पूर्व नै उक्त ३९६९८८८६ नम्बरको नागरिकता शिवजी साहु रोसीको नाउँमा जारी भएको देखिएको उल्लेख छ ।
