- ८ बैशाख २०८३, मंगलवार / Apr 21, 2026
काठमाडौं । नागरिकतासम्बन्धी कसुर मुद्दामा अनुसन्धानका लागि हिरासतमा रहेका कान्तिपुर मिडिया ग्रुपका अध्यक्ष कैलाश सिरोहियालाई थप तीन दिन हिरासतमा राख्न जिल्ला अदालत धनुषाले आदेश जारी गरेको छ ।
न्यायाधीश यदुराज शर्माको एकल इजलासले सिरोहियालाई जिल्ला प्रहरी कार्यालय धनुषामा राखेर अनुसन्धान गर्न आदेश जारी गरेको प्रहरी नायब उपरीक्षक रन्जन आवाले बताए ।
नागरिकतामा जन्ममिति खुलाएर गरिएको हस्ताक्षरको ‘फरेन्सिक’ परीक्षणका लागि पठाइएको र त्यो ‘रिपोर्ट’ आउन बाँकी रहेकाले थप अनुसन्धानका लागि पाँच दिन हिरासतमा राख्न जिल्ला सरकारी वकिलमार्फत उक्त अदालतमा मागसहित पेस गरेको थियो ।
अनुसन्धानमा रहेका आरोपित सिरोहियाको पक्षमा अधिवक्ता विनोद शर्मा, रमण कर्ण, दिनेश त्रिपाठी तथा किशोर पौडेलले बहस गरेका थिए । सिरोहिया तीन दिनदेखि काव्या अस्पताल जनकपुरमा रहको बताइएको छ ।
