किन बढयो अवैध दोहन ? सडकभरी बालुको थुप्रो

काठमाडौं । नदीजन्य पदार्थ उत्खनन गर्न वर्षाका तीन महिना निषेध गरिएको भएता पनि कालीगण्डकी नदीको दोहन रोकिने छाट छैन । शालिग्राम नासिएको जनाउँदै सर्वोच्च अदालतले उत्खननमा रोक लगाउँदै अन्तरिम आदेश जारी गरेको भएपनि दैनिकजसो नदीमा डोजरले बालुवा निकालिरहेका छन् ।

प्राकृतिक स्रोत संरक्षणमा चुनौती थपिएको छ सम्बन्धित नियमनकारी निकाय मौन बसेको छ ।दमुवाखोला, जलजला गाउँपालिकाको लस्ती, मिलनचोक, खनियाघाट, केरावारी, बगरफाँट र मोदीखोलाको दोबिल्लालगायत स्थानमा नदीको धार नै परिवर्तन गरेर उत्खनन गरिएको पाइएको हो ।

नदीबाट निकालिएको बालुवा, ढुङ्गा, गिट्टी मध्यपहाडी लोकमार्ग, कालीगण्डकी करिडोर, दोबिल्ला–फलेवास सडक किनारमा उरुङ लगाइएको छ।