काठमाडौँमा २ र ललितपुरमा एकजना हैजा संक्रमित भेटिए

काठमाडौँ । काठमाडौँमा २ र ललितपुरमा एकजना हैजा संक्रमित भेटिएका छन् । योसँगै देशभर हैजा संक्रमितको संख्या ७८ जना पुगेको छ।

काठमाडौंमा थप ३ जना हैजा संक्रमित भेटिएको स्वास्थ्य तथा जनसंख्या मन्त्रालय इपिडिमियोलोजी तथा रोग नियन्त्रण महाशाखा (इडिसिडी) का अनुसार पछिल्लो समय ललितपुरमा ५१ जना, कैलालीमा ८ जना, काठमाडौँमा १२ जना र प्यूठानमा २ जना, मकवानपुरमा एक र रोल्पामा ४ जना हैजा संक्रमित भेटिएका छन्। योसँगै यो वर्ष ६ वटा जिल्लामा हैजा संक्रमित भेटिएको जनाएको छ ।

भदौ १५ गतेसम्म देशभर ६ हजार ३४७ जना डेंगु संक्रमित थिए। यस्तै पछिल्लो समय एकजना डेंगु संक्रमितको मृत्यु भएको छ। योसँगै यो वर्ष डेंगुबाट मृत्यु हुनेको संख्या ४ जना पुगेको छ। हैजाका कारण हालसम्म यो वर्ष कसैको मृत्यु भएको छैन।

हाल १ जना संक्रमित अस्पतालमा भर्ना भएर उपचार गराइरहेको इडिसिडीले जनाएको छ। डेंगु संक्रमितको संख्या पनि बढेको छ। इडिसिडीका अनुसार हाल देशभर डेंगु संक्रमितको संख्या ६ हजार ८३१ जना पुगेको छ।