- २५ फाल्गुन २०८२, सोमबार / Mar 9, 2026
काठमाडौं , २६ चैत । काठमाडौं उपत्यकाका विभिन्न स्थानमा हुने आन्दोलन र प्रदर्शनका कारण मुख्य सडकहरूमा सवारी जामको सम्भावना बढेको छ । राष्ट्रिय प्रजातन्त्र पार्टी (राप्रपा) ले बल्खु क्षेत्रमा राजतन्त्रको समर्थनमा र्याली र सभा आयोजना गर्दैछ, त्यस क्षेत्रमा ठूलो भीड हुने अनुमान छ ।
यसैगरी, माइतीघर–बबरमहल क्षेत्रमा शिक्षकहरूको आन्दोलन, रत्नपार्कमा राष्ट्रिय जनमोर्चाको कार्यक्रम र सहकारी तथा लघुवित्त पीडितहरूको शान्तिबाटिकामा विरोध प्रदर्शन पनि भएकाले ट्राफिक व्यवस्थापनमा चुनौती थपिएको ट्राफिक प्रहरीले जनाएकाे छन् ।
एकै दिन चार ठाउँमा प्रदर्शन र जुलुस हुने भएकाले ट्राफिक प्रहरीले बिहान १० बजेअघि नै गन्तव्यमा पुग्न यात्रुहरूलाई आग्रह गरेको छ। प्रमुख प्रदर्शन क्षेत्रमा डाइभर्सनको व्यवस्था गरिएको छ भने वैकल्पिक मार्ग प्रयोग गर्न सुझाइएको छ ।
नयाँ बसपार्क र सीतापाइला–बाफल सडकखण्डमा एकतर्फी पार्किङको व्यवस्था गरिएको छ।
यी क्षेत्रमा आवश्यकताअनुसार थप डाइभर्सन लागू गरिनेछ।
ट्राफिक प्रहरीले बिहान घरबाट निस्कनुअघि ट्राफिक अवस्थाबारे जानकारी लिएर यात्रा गर्न अनुरोध गरेको छ। “सकेसम्म वैकल्पिक मार्ग प्रयोग गर्नुहोस् र समयमै गन्तव्यमा पुग्ने योजना बनाउनुहोस्,” प्रहरीको भनाइ छ।
