- २२ कार्तिक २०८३, आईतवार / Nov 8, 2026
भक्तपुर । मध्यपुर थिमि नगरपालिकाद्धारा सञ्चालित नेपाल कोरिया मैत्री नगरपालिका अस्पतालको सुविधा सम्पन्न नयाँ भवनको उपप्रधानमन्त्री प्रकाशमान सिंहले शिलान्यास गर्ने भएका छन् । दक्षिण कोरिया सरकारको आर्थिक सहयोगमा निर्माण हुने उक्त भवनको भोलि शिलान्यास कार्यक्रम रहेको नगरपालिकाले जनाएको छ ।
यसभन्दा पहिले काेरियन सरकारबाट नेपाल-कोरिया मैत्री नगरपालिका अस्पताल विस्तारका लागि ८.५ मिलियन अमेरिकी डलर सहयोग प्राप्त भएको थियाे । कोईकाबाट ८.५ मिलियन डलरको सहयोग प्राप्त भएकाे हाे ।
नगरपालिका अस्पतालको विस्तार र सुविधासम्पन्न बनाउन कोईकाले थप सहयोग गरेको नगरपालिकाले जनाएकाे छ । कोईकाको सहयोग रकमले अस्पताल विकास, विस्तार र विकटमा नागरिकको स्वास्थ्य उपचारमा टेवा पुग्ने विश्वास लिइएकाे छ ।
भक्तपुर, काभ्रे, रामेछाप, दोलखा, सिन्धुपाल्चोक रेफरल अस्पतालको रूपमा मध्यपुर थिमि नेपाल-किरिया मैत्री नगरपालिका अस्पतालको नयाँ भवन बन्ने कमचार्यको भनाई छ । यो अत्याधुनिक र सुविधासम्पन्न अस्पताल बन्ने नगरप्रमुख सुरेन्द्र श्रेषठले बताए ।
