- १६ जेष्ठ २०८३, शनिबार / May 30, 2026
काठमाडौं । उपप्रधान एवं गृहमन्त्री रवि लामिछाने जोडिएको सहकारी ठगी प्रकरण छानबिनका लागि संसदीय छानबिन आवश्यक नरहेको एमाले अध्यक्ष केपी शर्मा ओलीले बताएका छन् ।
मंगलबार प्रतिनिधिसभा बैठकमा नेपाली कांग्रेसले लामिछानेमाथि छानबिनका लागि संसदीय समिति गठन हुनुपर्ने अडान राखेलगतै उनले यस्तो प्रतिक्रिया दिएका हुन । तर मंगलबार नै संसद बैठक सकिएपछि संघीय संसद भवन परिसरमा पत्रकारसँग कुरा गर्दै ओलीले कांग्रेसले प्रतिशोधपूर्ण अभिव्यक्ति भएकाले छानविन सम्भव नभएको बताए ।
उनले भने, ‘सरकार भन्दा बाहिर हुनेबित्तिकै नेपाली कांग्रेस जस्तो पार्टीले कुनै आवेश, उत्तेजना देखाउने, प्रतिशोधपूर्ण अभिव्यक्ति, क्रियाकलाप गर्ने र संसद अवरुद्ध गर्ने जस्ता क्रियाकलाप गर्नु हुँदैन ।’ नेपाली कांग्रेसबाट एउटा परिपक्व प्रतिपक्षको भूमिका खाेजेकाे भन्दै उनले संसदीय छानबिन समिति कसरी र केका लागि बन्ने र त्याे सम्भव नरहेकाे बताए ।
