- १० श्रावण २०८३, आईतवार / Jul 26, 2026
काठमाडौं । नयाँ प्रधानमन्त्रीको नियुक्ति राष्ट्रपति रामचन्द्र पौडेलले आज गर्ने भएका छन् । नयाँ सरकार गठनका लागि तोकेको समयसीमा सकिएपछि प्रधानमन्त्रीको नियुक्ति र शपथको प्रक्रिया अघि बढाउने राष्ट्रपतिका प्रेस सल्लाहकार किरण पोखरेलले बताए ।
राष्ट्रपति पौडेलले नेपालको संविधानको धारा ७६ को उपधारा (२) बमोजिम प्रधानमन्त्री पदमा नियुक्ति गर्ने प्रयोजनका लागि आज असार ३० गते अपराह्न ५ बजेभित्र आफ्नो दाबी पेस गर्न आह्वान गरेका थिए ।आह्वानअनुसार एमालेका अध्यक्ष केपी शर्मा ओलीले कांग्रेसको समर्थनमा प्रधानमन्त्रीका लागि शुक्रबार नै दाबी पेस गरेका छन् ।
राष्ट्रपति पौडेलले दाबी पेस गर्ने समय सकिएपछि आइतबार साँझ प्रधानमन्त्री पदमा नियुक्त गर्नेछन् । आइतबार समय ढिला हुने भएकाले सोमबार बिहान ११ बजे प्रधानमन्त्री र मन्त्रीहरूको शपथग्रहण कार्यक्रम हुने भएको जनाएको छ ।
