- २८ भाद्र २०८३, आईतवार / Sep 13, 2026
काठमाडौं । देश प्रतिगमनतर्फ जान थालेको संकेत गर्दै त्यसलाई रोक्ने जिम्मेवारी आएको नेकपा एमालेका अध्यक्ष केपी शर्मा ओलीले बताएका छन् । मध्यपहाडी लोकमार्ग केन्द्रित अभियानपछि आन्दोलनकारी ढंगले अघि बढ्नुपर्ने भन्दै उनी एमाले केन्द्रीय कमिटि बैठकमा झस्कीएका छन् ।
मंसिर १४ गतेदेखि बैतडीको झुलाघाटदेखि पाँचथरको चिवाभञ्ज्याङसम्म ‘समृद्धिका लागि संकल्प यात्रा’ नाम दिएर एमालेले अभियान सुरु गर्ने जानकारी दिए ।
बुधबारदेखि सुरु भएको केन्द्रीय कमिटी बैठकलाई सम्बोधन गर्दै एमाले अध्यक्ष ओलीले इतिहास भइसकेको राजतन्त्रको नाममा केही मसानहरु खुलेआम सडकमा उफ्रिन थालेको बताए । लोकमार्ग केन्द्रित अभियानपछि सही र सर्वसम्मत निष्कर्षका साथ एमाले पनि मैदानमा उत्रिने ओलीको जिकिर छ ।
