- ६ आश्विन २०८३, मंगलवार / Sep 22, 2026
काठमाडौं । तेस्रो लगानी सम्मेलन आज सुरु भएको छ । प्रधानमन्त्री पुष्पकमल दाहाल प्रचनण्डले सम्मेलनको शुभारम्भ गरेका हुन । सम्मेलनमा स्वदेश तथा विदेशबाट गरी एक हजार ६ सय जनाभन्दा बढीको सहभागिता रहेको छ ।
सम्मेलनका लागि दुई हजार चार सयभन्दा बढी व्यक्तिलाई निमन्त्रणा पठाइएको लगानी बोर्डको कार्यालयले उपलब्ध गराएको विवरणमा छ । विभिन्न ५५ देशका लगानीकर्ता सम्मेलनमा सहभागि भएका छन् । नेपालका तीन सय ८५ जनाको सहभागिता सुनिश्चित भइसकेको छ ।
चीनका दुई सय ६५, भारतका एक सय ४३, संयुक्त राज्य अमेरिकाका ३३, जापानका २८, संयुक्त अधिराज्यका १४, बङ्गलादेशका १३, संयुक्त अरब इमिरेट्स (युएई) का १३ र जर्मनीका १० जना सहभागी भएका छन् ।
दक्षिण कोरिया, अस्ट्रेलिया र मलेसियाका नौ नौ जना सम्मेलनमा सहभागी हुन लागेका लगानी बोर्डले जनाएको छ । १० सत्रमा सञ्चालन हुने सम्मेलनमा पचासबढी वक्ताले सम्बोधन गर्ने वोर्डले कैलाश खबरलाई बताएको छ ।
