- Mar 27, 2025
भक्तपुर । विपद्मा नागरिकलाई सहज उपचार सेवा उपलब्ध गराउन बागमती प्रदेशका मुख्यमन्त्री बहादुरसिंह लामाले भक्तपुर अस्पताललाई निर्देशन दिएका छन् । अस्पतालको अनुगमन गर्दै मुख्यमन्त्री लामाले मेडिकल डाइरेक्टर डा सुमित्रा गौतमलाई अस्पतालको सेवा सञ्चालनमा आवश्यक परेका सामग्री माग गर्नसमेत आग्रह गरे । प्रदेश सरकारले तत्कालै त्यसको व्यबस्थापन गर्न पछि नपर्ने बताए ।
अनुगमनका क्रममा प्रदेशका स्वास्थ्यमन्त्री किरण थापाले निर्देशक गौतमलाई बाढी, पहिरोलगायत विपद्मा परेका घाइते बिरामीको निःशुल्क उपचार गर्न निर्देशन दिए । प्रदेशमन्त्री थापाले भने, “विपद्का घटना बढी भएका छन्, जनतालाई सरकार छ भन्ने अनुभूति दिलाउनु हाम्रो कर्तव्य हो । बाढीपहिरोको विपद्मा परेर आएका बिरामीको निःशुल्क उपचार राम्ररी गर्नु होला ।”
आकस्मिक कक्ष, आइसियू, सिसियू, शल्यक्रिया कक्षलाई तयारी अबस्थामा राख्न र कुनै पनि महामारी जन्य रोगको सङ्क्रमणको अवस्था आएमा तत्कालै उपचार गर्न सक्नेगरी तयारी अवस्थामा रहन निर्देशक गौतमलाई आग्रह गरे । पाँच शैय्याको डायलोसिस कक्ष तयारी अवस्थामा रहेको अस्पताल प्रशासनले जनाएको छ । डायलोसिस कक्ष, अस्पतालको आकस्मिक, आइसियू, सिसियू, शल्यक्रियालगायत विभिन्न कक्षका बारेमा मुख्यमन्त्री लामा,
स्वास्थ्य मन्त्री थापालगायतको टोलीलाई निर्देशक गौतमले जानकारी गराइन् । मन्त्री थापाले तत्कालै प्रदेश सरकारले पाँच शैय्याको डायलोसिस मेसिन उपलब्ध गराउने वचन दिए । निरीक्षणका क्रममा प्रमुख जिल्ला अधिकारी रोशनीकुमारी श्रेष्ठ, सहायक प्रमुख जिल्ला अधिकारी डोलेन्द्र निरौला लगायतले भक्तपुरको विपद्को अवस्थाबारे अनुगमनटोलीलाई जानकारी गराएका थिए । मुख्यमन्त्री लामा, प्रदेशका स्वास्थ्यमन्त्री किरण थापा, उद्योगमन्त्री सुकुमाया तामाङ्ग, प्रदेशसभा सदस्य सुरेश श्रेष्ठलगायतको टोली स्थलगत निरिक्षणमा जुटेको थियो ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
काठमाडौँ । नयाँ सहमतिमा आउन गणतन्त्रवादीहरुलाई राजावालीहरुले एक हप्ताको अल्टिमेटम दिएका छन् । बिहीवार काठमाडौँमा पत्रकार सम्मेलन आयोजना गरी संयुक्त जनआन्दोलन समितिले उक्त अल्टिमेटम दिएको हो । राजसंस्था पुनःस्थापनाका...
गोरखा । पथप्रदर्शकको मृत्यु भएको छ। उत्तरी गोरखास्थित मनास्लु पदयात्रामा पर्यटकलाई पथप्रदर्शन गर्न आएका उनको मृत्यु भएको हो । विकट मानिने धार्चे गाउँपालिका–३ खोर्लाबेँसीस्थित खोला किनारमा हिँड्ने क्रममा सार्की...
काठमाण्डौ । चार दिनदेखि आन्दोलनरत दोलखा जिल्लावासी, करार कर्मचारीहरूसँग सहमति भएको छ । माथिल्लो तामाकोशी जलविद्युत् आयोजनाले कम्पनीमा कार्यरत सबै कर्मचारीहरूको सेवा सुविधामा एकरूपता ल्याउने भएपछि सहमति भएको हो...
भक्तपुर । नयाँ वर्ष २०८२ र भक्तपुरको प्रसिद्ध विस्काः जात्राको अवसरमा औद्योगिक शान्ति नेपाल संस्था र मध्यपुर ब्वाईज व्याण्डको आयोजनामा नवौं भक्तपुर औद्योगिक, साँस्कृतिक पर्यटन, कृषि तथा व्यापार महोत्सव...
