- २४ बैशाख २०८३, बिहीबार / May 7, 2026
काठमाडौं । ताप्लेजुङमा पहिरोमा परी एकै परिवारका चारजनाको मृत्यु भएको छ । जिल्लाको फक्ताङलुङ गाउँपालिका–२ खेजिनिममा पहिरोले फक्ताङलुङ गाउँपालिका उपाध्यक्ष रविन साम्रा लिम्बुको घर बगाउँदा उनको परिवारका ४ जनाको मृत्यु भएको हो ।
पहिरोमा परी मृत्यु हुनेमा उपाध्यक्ष रविनका बुबा र कान्छी आमा र २ बहिनी रहेका छन् । मध्यरात करिब २ बजेको समयमा आएको पहिरोले घर बगाएको हो । दुईजना घाइते भएका छन् ।
पहिरोमा पुरिएर ६९ वर्षीय रामबहादुर लिम्बू, श्रीमती जसमाया र लिम्बू दम्पतीका छोरीहरू नौ वर्षीया गङ्गा र जमुनाको मृत्यु भएको प्रहरीले जनाएको छ । पहिरोमा परी ४० वर्षीया युगेन लिम्बू र उनकी तीन वर्षीया छोरी घाइते भएको जनाएको छ ।
पुल बगेपछि यातायातका साधन सञ्चालनमा समस्या आएको जिल्ला प्रहरी कार्यालयले जनाएको छ। गत बुधबार रातिदेखिको वर्षासँगै आएको बाढीले फक्ताङलुङ गाउँपालिका क्षेत्रमा छवटा पुल बगाएको छ । पहिरोले दुई वटा घर बगाएको जिल्ला प्रहरी कार्यालय ताप्लेजुङले जनाएको छ ।
