- ३१ असार २०८३, बुधबार / Jul 15, 2026
काठमाडौं । जल तथा मौसम विज्ञान विभागको मौसम पूर्वानुमान महाशाखाले आवश्यक सतर्कता अपनाउन आग्रह गरेको छ । महाशाखाले असार २ गतेसम्म मध्य र पश्चिमी तराईका भूभागमा अत्यधिक गर्मी कायम रहने बच्न आग्रह गरेको हो ।
महाशाखाले कोशी प्रदेशमा मनसुन सक्रिय भएकोपछि मधेश र बागमती प्रदेशमा पनि केही शीतल महसुस हुने बताएको छ । जेठ ३२ गतेदेखि असार २ गतेसम्म तातो हावा तथा तातो लहरको सम्भावना रहेको महाशाखाले जनाएको छ ।
खासगरी लुम्बिनी र सुदूरपश्चिमका तराईका भूभागमा अत्यधिक गर्मीले जनजीवन प्रभावित भएको महाशाखाले जनाएको छ । बाढी पूर्वानुमान महाशाखाले कोशी प्रदेशका नदीहरुमा बाढी आएर जलसतह बढ्ने सूचना जारी गरेको छ । तमोर नदी माझिटार जलमापन केन्द्रमा जलसतह सतर्कता तह (६ मिटर) भन्दा माथि रहेको र बढ्दो क्रममा रहेकाले तमोर नदी तटीय क्षेत्रमा हुनुहुनेहरूले सतर्कता अपनाउन आग्रह गरिएको छ ।
लुम्बिनी र सुदूरपश्चिमका तराईका भूभागमा अत्यधिकबिगत केही दिनदेखि अधिकतम तापक्रम ४० डिग्री सेल्सियस वा सोभन्दा बढी मापन गरिएको छ । यस वर्ष सरदर मिति (जुन १३) भन्दा तीन दिन अघि नै कोशी प्रदेशमा भने मनसुनी प्रणाली भित्रिएको थियो ।
