भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

मध्य असारसम्म देशभर २० प्रतिशत धान रोपाइँ, मल अभाव नहुने सरकारको दाबी

मध्य असारसम्म देशभर २० प्रतिशत धान रोपाइँ, मल अभाव नहुने सरकारको दाबी

काठमाडौँ, १६ असार । देशभरि असार महिनाको मध्यसम्ममा करिब २० प्रतिशत धान रोपाइँ सम्पन्न भएको छ। कृषि तथा पशुपन्छी विकास मन्त्रालयले सार्वजनिक गरेको पछिल्लो तथ्याङ्कअनुसार, १३ लाख ९१ हजार ३ सय २१ हेक्टर खेतीयोग्य जमिनमध्ये अहिलेसम्म २ लाख ८१ हजार ८ सय ४ हेक्टरमा धान रोपाइँ भइसकेको छ।

गत वर्ष असार १६ सम्म धान रोपाइँ २१ प्रतिशत पुगेको थियो भने यस वर्ष यसै हाराहारीमा रहेको देखिन्छ। तर रोपाइँ भएपनि किसानहरूले मल अभावका कारण समस्या भोगिरहेका छन्।कतिपय किसानहरूले मलको चर्को मूल्य भुक्तानी गर्नुपर्ने अवस्था आएको गुनासो गरेका छन्।

सरकारले मल अभाव हुन नदिने दाबी गरेको छ। कृषि मन्त्रालयका अनुसार, कृषि सामग्री कम्पनी र साल्ट ट्रेडिङले ३४ हजार टन युरिया मल कोलकत्ताबाट ल्याइसकेको छ भने हाल दुवै निकायसँग ६० हजार टन मल मौज्दात छ।

मन्त्रालयले मलको उपलब्धता छ भने पनि वितरण प्रक्रियामा केही अवरोध र समस्या हुँदा किसानले समयमै मल पाउन नसकेको जानकारी दिएको छ। सरकारले मलको समुचित व्यवस्थापन र वितरणलाई प्राथमिकतामा राखेर चाँडै समस्या समाधान गर्ने जनाएको छ।

 


Thali Mobile Pvt.Ltd.