- ३० असार २०८३, मंगलवार / Jul 14, 2026
महोत्तरी, २० जेठ । महोत्तरीमा चोरी गर्न घरभित्र प्रवेश गरेका लुटेरासँग प्रतिवाद गर्दा गोली लागेर श्रीमान्-श्रीमती घाइते भएका छन्।
जिल्लाको सोनमा गाउँपालिका–३ खखना दक्षिणबारी टोलमा मंगलबार राति घरभित्र प्रवेश गरी चोरी गर्ने प्रयास गरिरहेका ५–६ जना अपरिचित व्यक्तिसँग भएको प्रतिवादका क्रममा २७ वर्षीय रामईश्वर यादव र उनकी २२ वर्षीया श्रीमती किरण यादवमाथि गोली प्रहार भएको प्रहरीले जनाएको छ।
गोली लागेर दुवै जना घाइते भएका छन्। उनीहरूको स्थानीय स्वास्थ्य संस्थामा प्रारम्भिक उपचारपछि थप उपचारका लागि जनकपुर पठाइएको छ। प्रहरीका अनुसार घटनास्थलबाट एक थान गोलीको खोका बरामद गरिएको छ।
घटनामा संलग्न व्यक्तिहरू फरार रहेकाले उनीहरूको खोजी तीव्र पारिएको छ। घटनाबारे थप अनुसन्धान भइरहेको जिल्ला प्रहरीले जनाएको छ।
