- १ जेष्ठ २०८३, शुक्रबार / May 15, 2026
भक्तपुर । भक्तपुर जिल्ला बचत तथा ऋण सहकारी संघले अध्यादेश संशोधन गर्न माग गरेको छ । संघले भक्तपुरबाट प्रतिनिधित्व गर्ने प्रतिनिधि सभा सदस्य प्रेम सुवाल र दुर्लभ थापालाई आइतबार ज्ञापन पत्र दिदै संघले अध्यादेश संशोधनको माग गरेको हो ।
सहकारी अध्यादेशले समुदायमा आधारित संस्थालाई संकुचनमा ल्याउन खोजेको संघले ठहर गरेको छ । बचतको सीमा हटाउन, संचालक दुई कार्यकालको प्रावधानले अनुभवी नेतृत्व विहीन बनाउने भएकोले एउटै पदमा दुई कार्यकाल हुनुपर्ने र खुला सदस्यता प्राप्त गर्न पाउनु पर्ने संघले माग राखेको छ ।
संघले उक्त विषय सहीत अध्यादेश संशोधनका लागि सहयोग गरिदिन भक्तपुर जिल्लाका सासंदहरु प्रेम सुवाल र दुर्लभ थापालाई ज्ञापनपत्र बुझाएका हुन ।
संघले राखेको मागमा बचत दुरुपयोग गर्ने संचालकहरुको घर–घरानाबाट असुल उपर गरी बचत फिर्ता गर्नुपर्ने माग समेत गरेको छ ।
