- १ कार्तिक २०८३, आईतवार / Oct 18, 2026
काठमाडौं । साउदी अरबबाट हज गरी फर्किएका माल्दिभ्सका एक नागरिकमा मेनिन्गोकोकल रोग देखिएको छ । माल्दिभ्सका नागरिकमा मेनिन्गोकोकल रोग देखिएपछि नेपालमा पनि सतर्कता अपनाइएको छ।
हज गरी फर्केका आफ्ना नागरिकमा मेनिन्गोकोकल रोग देखा परेको भन्दै माल्दिभ्स सरकारले विश्व स्वास्थ्य संगठन (डब्ल्यूएचओ) मार्फत जानकारी दिएपछि नेपालमा आकस्मिक बैठक राखेको छ। माल्दिभ्सले मेनिन्गोकोकल रोगको पहिलो विरामी फेला परेको पुष्टि गरेको छ। हेल्थ प्रोटेक्शन एजेन्सीले मंगलबार माल्दिभ्समा रोग पत्ता लागेको पुष्टि गरेको जनाइएको छ। माल्दिभ्सले मेनिन्गोकोकल रोगका एकजना विरामी पत्ता लागेको घोषणा गरे पनि अन्य विवरण खुलासा नगरेको जनाइएको छ।
नेपालमा पनि हरेक वर्ष गृह मन्त्रालयको समन्वयमा इस्लाम धर्मावलम्बी हज गर्न जान्छन्। यो वर्ष पनि नेपालबाट ८ सय इस्लाम धर्मावलम्बी हज गरी फर्किएका छन्।
मेनिन्गोकोकल ब्याक्टेरियल संक्रमण हो। जसले मेनिन्गोकोकलले मस्तिष्क र मेरुदण्डको वरपरका तन्तुहरूमा गम्भीर असर गर्छ । यसले फोक्सो संक्रमणको गम्भीर स्वास्थ्य जटिलता पनि निम्त्याउँछ।
