टेरामक्स खरिदमा भएको अनियमिततामा संलग्न छैनः मोहन बस्नेत

काठमाडौं । नेपाली कांग्रेसका सांसद मोहनबहादुर बस्नेतले नेपाल दूरसञ्चार प्राधिकरणबाट विवादास्पद टेरामक्स प्रणाली खरिदमा भएको अनियमिततामा आफू संलग्न नभएको जिकिर गरेका छन् । शुक्रबार प्रतिनिधि सभाको बैठकमा उनले दुरसञ्चार क्षेत्रको कम आवागमनमा हुने राजस्व चुहावट रोक्न यो प्रविधि खरिद गरिएको जिकिर गर्दै त्यसमा आफू संलग्न भएको बताएका हुन् ।

मन्त्री बस्नेतले कल बाइपास र राजस्व चुहावट रोक्न भन्दै टेलिकम्यूनिकेसन ट्राफिक मोनिटरिङ एण्ड फ्रड कन्ट्रोल सिस्टम(टेरामक्स) स्थापना गर्ने नीतिगत निर्णय गरेका थिए । नेपाल दुरसञ्चार प्राधिकरणको वार्षिक योजना तथा कार्यक्रम स्विकृतीका क्रममा उनले कुनै अध्ययन र छलफल विना मनोगत रुपमा यसवारे निर्णय लिएका थिए ।