- ७ भाद्र २०८३, आईतवार / Aug 23, 2026
काठमाडौं । नेपाल कम्युनिष्ट पार्टी एमालेका अध्यक्ष केपी शर्मा ओलीले मदन–आश्रितको हत्या भएको भन्दै हत्यारा पत्ता लाग्ने बताएका छन् ।राष्ट्रिय समाचार समिति (रासस)सँगको अन्तर्वार्तामा ओलीले यस्तो बताएका छन् ।
दासढुंगा घटनाको सत्य–तथ्यलाई शक्तिको आडमा लुकाउन खोजिएको संकेत गर्दै ओलीले त्यस्ता प्रयास सधैं सफल नहुने बताएका छन् । कतिपय घटना–दुर्घटनाका सत्यतथ्यलाई शक्तिले लुकाउने गरेको बताए ।
२०५० साल जेठ ३ गते चितवनको दासढुंगा भन्ने स्थानमा जिप दुर्घटनामा परी एमाले महासचिव मदन भण्डारी र संगठन विभाग प्रमुख जीवराज आश्रितको मृत्यु भएको थियो । एमालेले मदन–आश्रितको षडयन्त्रपूर्वक हत्या भएको दाबी गर्दै आएको छ । तर हत्यारा पत्ता लाग्न सकेको छैन ।
