- ८ असार २०८३, सोमबार / Jun 22, 2026
काठमाडौं । लिबर्टी कलेजका विद्यार्थी सवार बस दुर्घटना भएको छ । काठमाडौँको अनामनगरस्थित उक्त कलेजबाबाट शैक्षिक भ्रमणमा आएका विद्यार्थी सवार बस मुस्ताङको कागबेनीमा मंगलवार दुर्घटना भएको हो ।
दुर्घटनामा २१ जना घाइते भएको जिल्ला प्रहरी कार्यालय मुस्ताङले जनाएको छ । दुर्घटनामा परी सुनसरी हरिनगरका निशान रसाइली, धनुषा धनगढीका सुरजकुमार परियार, बर्दिया मधुवनका सुवास नेपाल, काभ्रे तेमालका सौगात त्रिपाठी, सर्लाही कौडैनाका साहुल साह, काठमाडौंका साइरस तामाङ, भक्तपुर सूर्यविनायकका अनामिका सुवार, धनुषा जनकपुरका दीपककुमार निधि, सर्लाही हरिवनका निरञ्जन साह र डोटी शिखर नगरपालिकाका रोहित बलायर घाइते भएका छन्।
काठमाडौं एयरपोर्टकी अनामिका थापा, कैलाली गोदावरीका ध्रुवराज जोशी, भोजपुर भोजपरनका पेसल बस्नेत, महोत्तरी जलेश्वरकी रम्मा कुमारी, पाँचथर कुम्मायका आदेश लावती घाइते भएका र उनीहरूको जिल्ला अस्पताल मुस्ताङमा उपचार भइरहेको प्रहरीले जनाएको छ ।
मुक्तिनाथ दर्शन गरी जोमसोमतर्फ फर्कँदै गरेको ३–०१–००६ ख ६२२ नम्बरको बस वारागुङ मुक्तिक्षेत्र गाउँपालिका–४ कागबेनीस्थित सेल्फिडाँडामा ब्रेक फेल भई सडकमा पल्टिएको हो ।
घाइते हुनेमा काठमाडौं कीर्तिपुरकी प्रतीक्षा खड्का, भक्तपुर चाँगुनारायणकी विन्दा दहाल, सिरहा लहानका आदेश आचार्य, भक्तपुर मध्यपुर ठिमीका अनुज न्यौपाने, सिरहा गोलबजारकी ज्योति साह, गुल्मी रुरुकी समीक्षा ज्ञवाली रहेका छन्।
