नाबालक छोडेर विदेसिँदै आमाहरू…

काठमाडौँ । दशैं तथा तिहार लागिरहेको छ । आफ्ना नानीबाबु छोडेर विदेसिँने आमाहरुको विमानस्थलमा लर्को छ । नाबालक छाडेर झापाकी रुपा गिरी मलेसिया उड्न तयारी छन् । मलेसिया जान लागेकी गिरीले भक्कानीदै छोरालाई सुम्सुम्याउदै गर्दाको भावुक दृश्यले सोच्न बाध्य बनायो ।

उनको गहभरीका आसुपुच्दै भनिन्, घर चलाउन, घरै छाड्नु पर्ने स्थिति आयो । आर्थिक स्थिति सुधार्न भोलिका लागि बस्ने छानो बनाउँन विदेसिनुको बाध्यता छ । आर्थिक अवस्था कम्जोर हुँदा कक्षा १०, ११ को पढाई बीचैमा छाडेर गिरीजस्तै कयौं आमाहरु बालबच्चा छोडेर यसरी विदेसिँन लागेको नयाँ होइन ।

पठनपाठन शुल्क तिर्न र पालनपोषण गर्नसमेत हम्मेहम्मे भएपछि नियती यस्तै बनेको छ । ऋण गरेर स्वदेशमै व्यापार गर्नेबारे पनि नसोचेको होइन तर लगानी गर्ने आँट नभएपछि विदेसिन बाध्य भएका गुनासा कयौंका छन् । सन्तान छाडेर विदेसिने कुन आमालाई खुसी मिल्छ होला र ?