- १८ कार्तिक २०८३, बुधबार / Nov 4, 2026
एजेन्सी । कारागार प्रशाशनले रुसी विपक्षी नेता एलेक्सी नाभाल्नीको शव दिन ढिलाइ गरेको छ । रुसी प्रशासनले छानविन र अनुसन्धान जारी रहेको भन्दै नाभाल्नीको परिवारले शवको लागि बारम्बार ताकेता गरेपनि शव दिन ढिलाइ गरेको हो ।
नाभाल्नीका समर्थकहरुले उनको हत्या गरिएको दाबी गर्दै रुस सरकारले आफ्नो कर्तुत लुकाउन शव नदिएको आरोप लगाइरहेका छन् । कारागार प्रशाशनले भने नाभाल्नी हिँड्दा हिँड्दै वेहोस भएको र त्यसपछि होशमा नफर्किएको बताइरहेको छ ।
नाभाल्नीका वकिल र आमालाई उनको शव राखिएको शवगृहमा प्रवेश गर्नबाट रोक लगाइएको छ । उनीहरूलाई सुदूर आर्कटिक जेलनजिकै सालेखार्ड शहरको शवगृहमा लगिएको थियो ।
नाभाल्नीका समर्थकहरुलाई सोमबार भिडियो सन्देश जारी गदै युलियाले रुस सरकारको दमनबाट नडराउने भन्दै रुसको भविष्यका लागि आफ्ना श्रीमानले थालेको अभियान आफुले अघि बढाउने उद्घोष गरेकी हुन् । नाभाल्नीकी श्रीमती युलिया नाभाल्नायाले आफ्नो श्रीमानले थालेको स्वतन्त्र रुसको यात्रा जारी राख्ने बताएकी छिन् ।
