- ८ श्रावण २०८३, शुक्रबार / Jul 24, 2026
काठमाडौँ, २७ चैत । हङकङमा मंगलबार (चैत २७, २०८१) बाट सुरु भएको चारदेशीय टी-२०आई सिरिजमा नेपालले विजयी सुरुवात गरेको छ। सिरिजको पहिलो खेलमा नेपालले कतारलाई ८ विकेटले पराजित गर्दै शानदार प्रदर्शन गरेको हो।
नेपालले टस जितेर कतारलाई पहिले ब्याटिङ गर्न लगाएको थियो। कतारले २० ओभरमा ५ विकेट गुमाएर १५१ रन बनायो। जवाफमा नेपालले १७ ओभर (१८ बल बाँकी) मा २ विकेट गुमाएर १५४ रन बनाउँदै लक्ष्य पूरा गर्यो।
नेपालको जितमा ओपनर कुशल भुर्तेलले १९ बलमा ३८ रन, आसिफ शेखले २१ बलमा ३३ रन, कप्तान रोहित पौडेलले २९ बलमा ३७ रन र बसिर अहमदले ३३ बलमा ३० रनको योगदान दिए। कतारका बलरहरूले नेपालको ब्याटिङलाई रोक्न नसक्दा खेल नेपालको पक्षमा सहजै गयो।
यो जितसँगै नेपालले सिरिजमा सकारात्मक सुरुवात गरेको छ। अर्को खेलमा नेपालले बिहीबार (चैत २९) कुवेतको सामना गर्नेछ।
