- ३१ असार २०८३, बुधबार / Jul 15, 2026
काठमाण्डौ । नेपाल अन्तर्राष्ट्रिय महिला फुटबल प्रतियोगिताको फाइनल पुगेको छ । लेबनानलाई हराउँदै नेपाल एक खेलअघि नै फाइनल पुगेको हो ।
समूह चरणको अन्तिम खेलमा आउँदो आइतवार दिउँसो २ बजे किर्गिस्तान र लेबनान तथा बेलुकी ६ बजे नेपाल र म्यानमार खेल्नेछन् । फाइनल खेल फागुन १४ गते हुनेछ ।
त्रिपुरेश्वरको दशरथ रङ्गशालामा विहीबार भएको खेलमा नेपालले लेबनानलाई १–० गोलले हरायो । नेपालकी सावित्रा भण्डारीले खेलको ४२ औं मिनेटमा गोल गरिन् ।
प्रतियोगितामा नेपालको लगातार दोस्रो जीत हो । नेपालले पहिलो खेलमा किर्गिस्तानलाई १–० गोलले हराएको थियो । अब नेपालले उपाधिका लागि म्यानमारसँग खेल्नेछ । नेपालको जीतसँगै म्यानमार पनि फाइनलमा पुगेको हो ।
विहीबारै भएको खेलमा म्यानमारले किर्गिस्तानलाई ५–० गोलले हराउँदै लगातार दोस्रो जीत हासिल गरेको हो । म्यानमारले पहिलो खेलमा लेबनानलाई ३–१ गोलले हराएको थियो ।
