- ६ असार २०८३, शनिबार / Jun 20, 2026
काठमाडौं । यौन पर्यटनको ओकालत गर्ने नेपाली कांग्रेसका प्रमुख सचेतक श्याम घिमिरेले माफी मागेका छन्। बुधबारको प्रतिनिधि सभा बैठकमा उनले माफि मागेका हुन ।
उनले आफ्नो पार्टीको धारणा नभएको र आफूले सांस्दको हैसियतमा बोलेको कुराले नराम्रो असर परेकाले आफूले माफि मागेको बताए ‘मेरो अभिव्यक्ति कांग्रेसको आधिकारिक धारणा होइन।
मेरो धारणाले माननीय सदस्य र नागरिकको सम्मान गर्दै माफी माग्दछु । मंगलबार बुढानीलकण्ठमा बसेको कांग्रेस पदाधिकारी बैठकमा पनि सांसद घिमिरेले पार्टीकै साथीहरूबाट आलोचना सहनुपरेको थियो।
चैत्र ३ गते प्रतिनिधि सभामा विशेष समयमा नेपालमा पर्यटन विकासका लागि यौन व्यवसाय खुला गर्नुपर्छ भन्ने उनको अभिव्यक्तिमा चौतर्फी आलोचना भएपछि घिमिरेले प्रतिनिधिसभामै माफी मागेका हुन्।
