- १० जेष्ठ २०८३, आईतवार / May 24, 2026
काठमाडौं । सहकारी ठगी गरी फरार भएका बाग्लुङ ढोरपाटनका मेयर देवकुमारविरुद्ध रेड नोटिस जारी भएको छ । ठगी प्रकरणमा नेसनल सेन्ट्रल ब्यूरो काठमाडौंको अनुरोधमा इन्टरपोल महासचिवालयले मेयर नेपाली विरुद्ध रेड नोटिस जारी गरेको हो ।
नेपाल प्रहरीका केन्द्रीय प्रवक्ता तथा डीआईजी भीम ढकालले नेपाल रेड नोटिस जारी भएसँगै प्रहरीको अन्तराष्ट्रिय संगठन इन्टरपोलका १९६ सदस्य राष्ट्रले अब नेपालीको खोजी गर्ने बताए ।
बाग्लुङको इमेज बचत तथा ऋण सहकारीका अध्यक्ष समेत रहेका नेपालीले बचतकर्ताको रकम हिनामिना गरेको आरोप लागेको छ । नेपाली नेकपा एमालेबाट २ पटक मेयरमा निर्वाचित भएका व्यक्ति हुन् ।
संस्थापक अध्यक्ष रहेको सहकारीले करोडौं रुपैयाँ ठगी गरेको आरोप छ । सहकारीको बागलुङ बजारमा मुख्य कार्यालय रहेको छ । फरार रहेका नेपालीसँगै सहकारीका कार्यवाहक अध्यक्ष डोरबहादुर परियार, सचिव सुनिल नेपाली, कोषाध्यक्ष लक्ष्मी सेन सुनार, सञ्चालक चित्रबहादुर भण्डारी, सदस्य रुपा विक र झगबहादुर शाही प्रहरीको खोजी सूचीमा छन् ।
