नाइजेरियामा गोठालाहरू र किसानहरूबिच झडप हुँदा एक सय १३ जनाको मृत्यु

काठमाडौँ । हिंसात्मक आक्रमण हुँदा नाइजेरीयामा १ सय १३ जनाको मृत्यु भएको छ । शनिबारदेखि अफ्रिकी देश नाइजेरियामा देशको मध्यभाग पठारमा सुरु भएको हिंसात्मक आक्रमणमा परी १ सय १३ जनाको मृत्यु भएको हो ।

पठार राज्यका एक वरिष्ठ अधिकारीले सोमबार जानकारी दिँदै शनिबार र आइतबार भएका आक्रमणमा १ सय १३ जनाको मृत्यु भएको बताए । योजनाबद्धढंगले आक्रमण गरिएको उनले बताए । कम्तीमा २० विभिन्न समुदायलाई लुटेराहरूले आक्रमण गरेका थिए ।

मध्य नाइजेरियामा गोठालाहरू र किसानहरूबिच बारम्बार झडपहरू भइरहेका छन् । मे यतापहिलो पटक यस्तो चरम हिंसा देखिएको छ । त्यस बेला किसान–गोठालाहरूको आक्रमणमा १०० जनाभन्दा बढीको मृत्यु भएको थियो ।